ప్రేమ

ఉదయాలెంత బాగుంటయో...
రేరాజు వీడ్కోలు పలకలేక....
మేఘాలతో నిశ్శబ్ధ గీతాలాలపిస్తుంటే...
చెలికాడిని వీడలేక...
మబ్బులన్ని తమలో కలిపేసుకుంటుంటే....
సూరీడొచ్చేస్తుంటాడు..
చీకటి తాలూకు స్నేహాన్ని తన వెలుగుతూ కప్పేస్తూ...
రేయంతా మెరిసిన తారలకి విరామాన్నిచ్చేస్తుంటాడు...
పగలుని పరిగెత్తించ్చేస్తాడు...
ఈరోజు నీదన్న కొత్త ఆశనొకదాన్ని నూరిపోస్తూ...
రేయి...పగలు...
ఒకదాని వెంటొకటి...
ఒకదాని కోసమొకటి...
తరాలు గడిచినా యుగాలు మారినా...
చెక్కు చెదరని స్నేహమది...
అంబరం లో దాగిన అనుబంధమది...!!!
_అనామిక