కొత్త లోకం

తనో ఏకాంత దేవేరి... అతనో నిశ్శబ్ధ సంహారి... వరదలా పొంగిన ప్రేమే ఓ కావేరి..!! -అనామిక

ఆ కళ్లేదో మాయ చేసాయ్... కలలో కనిపించి మాయమైపోయిన అద్భుతం లా... కళ్ల ముందే తచ్చాడుతుంటాయ్... కనుచూపుమేరంతా శూన్యమైనా..! -అనామిక

మనిషంటే అంతే... తనదికాని ప్రపంచం లో బతుకుతూ... తన లోపలి ప్రపంచాన్ని బతికించుకుంటూ..!! అనామిక

ఆరిపోయిన దీపాన్నే గా అనుకున్నా... కరిగిపోయిన మైనం తిరిగి వెలిగేదాకా.. చెదిరిపోయిన స్వప్నాన్ని చేరేదాకా..!! -అనామిక

తనడిగింది.... నిశీధికంత నిశితమేంటని... పగలు నేర్చిన పాఠాలన్నీ.. రాత్రయ్యాక నిద్రపుచ్చని జోలపాటలయ్యాయేంటని... మరిక బదులేంచెప్పాలీ.. తప్పేమో అన్న ప్రశ్న కి అనుభవమే సమాధానమయ్యాక..!! -అనామిక

You cant scrolling this without like, 1/- for one like.. Type amen to save child... లాంటి పోస్ట్ ల వెనక క్యు కట్టే వాడు కూడా.. జనగణమన కి నుంచుంటేనే దేశభక్తా అని అడుగుతాడు... లైకులకి కామెంట్లకి బతికేసే ప్రాణాలున్నపుడు... నుంచుంటే మురిసిపోయే దేశమాత ఉండదా అని అడగాలనిపిస్తుంది.. _అనామిక

ఉదయాలెంత బాగుంటయో... రేరాజు వీడ్కోలు పలకలేక.... మేఘాలతో నిశ్శబ్ధ గీతాలాలపిస్తుంటే... చెలికాడిని వీడలేక... మబ్బులన్ని తమలో కలిపేసుకుంటుంటే.... సూరీడొచ్చేస్తుంటాడు.. చీకటి తాలూకు స్నేహాన్ని తన వెలుగుతూ కప్పేస్తూ... రేయంతా మెరిసిన తారలకి విరామాన్నిచ్చేస్తుంటాడు... పగలుని పరిగెత్తించ్చేస్తాడు... ఈరోజు నీదన్న కొత్త ఆశనొకదాన్ని నూరిపోస్తూ... రేయి...పగలు... ఒకదాని వెంటొకటి... ఒకదాని కోసమొకటి... తరాలు గడిచినా యుగాలు మారినా... చెక్కు చెదరని స్నేహమది... అంబరం లో దాగిన అనుబంధమది...!!! _అనామిక